05 - 06
AOST
2023
Gaissa e volontariat
Proa a te fegurèr na festa te n’atmosfera encantesimèda, tel lech da marevea de la Val de sèn Nicolò e sia crepes, coi pré verc e i bosć maestousc che ge fèsc da cornisc. Proa a te fegurèr doi dis per te desvampolèr e te goder con tia familia e con tie peconc. Proa a te fegurèr l bon cher e la legreza de la jent da mont, la musega e i guanc, i magnères del teritorie da mont.
No ocor che te proes a te l fegurèr, benvegnù a Festa ta Mont.
Scarica la guida
Proa a te fegurèr na festa te n’atmosfera encantesimèda, tel lech da marevea de la Val de sèn Nicolò e sia crepes, coi pré verc e i bosć maestousc che ge fèsc da cornisc. Proa a te fegurèr doi dis per te desvampolèr e te goder con tia familia e con tie peconc. Proa a te fegurèr l bon cher e la legreza de la jent da mont, la musega e i guanc, i magnères del teritorie da mont.
No ocor che te proes a te l fegurèr, benvegnù a Festa ta Mont.
L argoment de la Festa
Per la 16ma edizion de la Festa ta Mont, aon volù ge dèr endò valor al gust de se troèr, a la voa de se la contèr su e a l’amicizia. La comunicazion la é do che la doventa semper manco concreta, ma chel che l é più de besegn l é saer de poder se lascèr su la persones a cheles che ge volon ben. La “stues” de la Val de sèn Nicolò les te speta per passèr n fin de setemèna ensema.
Co ruèr
A pe, coi menacrepes
POZA – BUFAURE – ANTERFOSĆ – VAL DE SÈN NICOLÒ
En ocajion de la Festa ta Mont, l comitat endreza na raida compagnèda coi menacrepes. Se va en su col impiant de Bufaure e do a pe envers Baita Cuz, dapodò se vegn en ju sul troi “Anterfosć”, olache ge vel meter vèrda percheche l é belebon adort. L troi l te mena olache scomenza la Festa ta Mont! Per info e enscinuazions per la raida coi menacrepes: c/o Sport Check Points - Val di Fassa Ufficio Guide Alpine Poza - tel. 331 2989721 - infopozza@fassasport.com; se se troa da les 9 aló da la stazion junsom de Bufaure.
A pe, dificoltà mesèna
POZA – BUFAURE – UTIA PAS DE SÈN NICOLÒ– VAL DE SÈN NICOLÒ
Se rua te la Mont de Poza dal troi “Lino Pederiva”, n percors panoramich che paa la speisa fèr! Do esser rué sun Bufaure co la telecabina e sa la utia Zedron co la sentadoa, se va inant a pe enscin al Sas de Adam (2.430) e dapodò do n troi su e ju enscin a la Sela Brunéch (2.428 m) sora Ciampac. L percors l é beleche dut en cresta con vèlch toch olache ge vel meter vèrda e dotrei metres de troi atrezà. Tinultima se rua sal Pas de sèn Nicolò (2.347 m) e a sia utia. Da chiò se vegn en ju envers la Val de sèn Nicolò, ruan timpruma aló dai sauc de èga e do a la Baita Ciampié, tel cher de la festa.
A pe, dai Munciogn
MUNCIOGN – LAUSCEL – VAL DE SÈN NICOLÒ
Da Poza se se enarloa a pe envers la Val de sèn Nicolò e se rua enscin ta Capitel. Pech dalonc l é l crousdevia olache se ciapa la strèda che mena ti Munciogn e se ge va do a la tabeles per ruèr sun Lauscel (vièl n. 641). Do n bel toch ert se ge va do a la indicazions per la Palacia. Aló sotite se veit l Lach de Lauscel, de formazion glaciala, olache se rua do pec menuc. Da la man a ovest del lech l é la veia strèda che vegn en ju envers la Val de sèn Nicolò e che la se encroja co la “Strada di Rusci” mingol più a nord del piaz dai auti de Saùch, olache scomenza la festa!
Coi pulmins
Do les 9 da doman via e per dut l dì vegn endrezà l servije de pulmins che ponta via da Vidor (apedeju l camping) e che rua aló dal piaz dai auti te Saùch. Biliet per jir e vegnir € 5, demò jir o demò vegnir € 3
Gallery
Na regoeta de fotografies de la edizions di egn passé de la Festa ta Mont
Nesc sponsor
