Zacan podon ve dir zeche de più sun chesta edizion de la Festa ta Mont!
📅 CAN?
Domenia ai 2 de aost!
OLÀ?
Desche zenza te la maraveousa Val de sèn Nicolò, cher de la Dolomites fascènes!
❓CHE PA?
Chest an la Festa ta Mont doventa n percors che se mef a la descorida de la natura, di sons del bosch e de sie personajes
N picol carnier gourmet da cercèr a l'averta co la familia, l bon odor di fiores e n bon stèr sorì. Vegnine dò chisc dis che vegn per descorir amò de più!
I monc l'é lesc maraveousc,
riches de roba curiouses e beles
che empienesc l cher de picui e gregn,
Festa ta Mont ve sporc a vo e a vesc bec
na ocajion da no destrabonir per cognoscer
la tradizion ladina e la Val de sèn Nicolò,
N libret, n lapisc
e n mond fantastich dut da descorir,
per passèr na dì aiegra en familia
a contat co la natura.
Ben segur no, sarà ben n numer limità de carnieres venui online, ma no l'é leà al numer de jent che pel tor pèrt a la festa. Ampò ve recordon che chest an NO sarà i stand co la roba da magnèr che l'era i etres egn dò l percors (cauja Covid-19).
Ve recordon che chest an l servije de naveta NO l vegn endrezà dal Comitat Festa ta Mont.
L Comitat Festa ta Mont, veduda la situazion de emergenza (Covid-19), envìa de cher i ghesć a ruèr te Val de sèn Nicolò a pe, se tegnan dalonc dai etres aldò de la indicazions sanitères.
L trasport per la Val de sèn Nicolò donca NO vegnarà smaorà e l fajarà i medemi oraries del traspost metù a jir dal Comun de Sèn Jan.
Per info e oraries:
https://www.fassa.com/IT/Trenini-e-bus-navetta/
Per chi che no à l met de comprèr online con chèrta de credit, se podarà prenotèr l carnier gourmet ló da l'ofize Check Point te Piaza de Comun de Poza.
Se l'é catitemp se podarà tor l carnier gourmet "Saores de Fascia" de persona te paìsc. Vegnarà manà via mail indicazions aldò.
Festa ta Mont 2021© Tutti i diritti riservati.
Powered by Cristian Frigo
